Pulsa Listrik

Reporter: Rohidi Effendi |

Editor: Dedi Julizar |

Minggu , 17 Dec 2023 - 20:15

Pak Beluk--

pulsa listrik                            lum lame ni ndung yung diajung pak beluk ngisi pulsa listrik. sebab, pulsa listrik di ghumah kenan lah abis.
"ui ndung yung belika kudai pulsa listrik tu. kalu ndik belampu agi malam kele kite ni," kate psk beluk.
"awu di mane mbelinye," kate ndung yung.
"beli lewat indomaret saje, murah," kate pak beluk.
singkat cerite, pegilah ndung yung ni. sampai depan indomaret tu ndung yung maju kulu kiligh. ade ke 10 kali kenan kulu kiligh depan indomaret tu.
udim tu kenan langsung balik. pas dikinaknye, pulsa listrik lum kilah nambah. ngiciklah kenan dengan lakinye.
"ui bapang yung, berentilah kudai mbeli listrik lewat indomaret tu," kate ndung yung.
"adak ngape pule," pak beluk bingung.
"kate kamu saje beli pulsa pacak cuman dengan lewat indomaret saje," timbal ndung yung.
"yak awu memang pacak. aku minggu belakang lewat indomaret lah langsung masuk," pak beluk njelaskah.
"ui aku ni lah kulu kiligh depan indomaret tu. kalu lah ade 10 kali lebih. anye ndik kina masuk-masuk pulsanye. mbuyanka gawih tu," ndung yung rengam.
"ui ndung yung, ndik lekuk dilalu saje baseka barang tu. masih ndak ngicik dan mbeli nian ngan jeme indomaret tu. alang ke nyangkap nian kamu ni," pak beluk nerangka ngan bininye.
"ui luk itu, sangke ku tadi pacak sambil lalu saje," uji ndung yung luk adak.
"ai kerebai ai. mbak bukan tini ke balak, lah kembe agi aku ngakuki kerebai ini," pikir pak beluk dalam ati.
"ngape dediam. ukan madakkah aku kamu ni bapang yung," kate ndung yung curiga nginak gelagat lakinye.
"nide sayang. kele pacak aku saje ye belinye," timbal pak beluk sambil pegi mbelika pulsa tu ngambik aman. (roh)

Tag

Share

Koran Terkait

Kembali ke koran edisi Radar Kaur, Senin 18 Desember 2023

Berita Terkini

Berita Terpopuler

Berita Pilihan