Advertisement Google

Lum Makan Lah Bubuh

Reporter: Hery Kurniawan |

Editor: Daspan Haryadi |

Senin , 02 Sep 2024 - 20:23

Pak Beluk--

lum makan lah bubuh                            siang kemaghi pemerintahan desa bada pak beluk tinggal ngadekan rapat. 
supaye ade suasana baru, pak kades ngusulkah bada rapat ye diikuti perangkat desa dan bpd ini. di lesehan ye ade di pinggir ayik besak. 
rapat kini lah selesai, kini, saatnye rombongan tu makan siang. 
"yak ngape, mbatak nasi nian kaba ce," kate pak beluk nginak merin ngeluarkan ibatan nasi. 
"au ce. dang dide pacak asak makan nasi aku kini. mangke amu kaba nak keruan agak lain nasi ye ku batak ni," jelas merin. 
"amu luk itu nengkala aku ye makan nasi jatah kaba tu," kate pak beluk ngambek piring nasi punye merin. 
"nduk. sesenai aje pak beluk. dide ngape amu kele tu nak bubuh. haha," komen pak kades. 
"sekalian saje pak kades. mumpung ade. dide payah agi nak mesan," jawab pak beluk lelinyum. 
singkat cerite rombongan ni udem makan. 
meski lah ngabiskan nasi 2 porsi. pak beluk nampaknye masih lum puas. 
nginak hal itu, ujang kericup ye mpai udem makan lalu ngicik, "nah bapang yung amu masih galak. ikan bakarku masih ade setengah".
" yak lasung, ce. masih nian kurangan aku ni," kate pak beluk. 
nginak hal itu, perangkat desa lain ye bename pak betuk lantas ngicik, "nduk jabe kaba ni makan, pak beluk. aku ye bebadan besak saje dide sebanyak itu makannye".
"lagi masa pertumbuhan es. makenye butuh banyak asupan. kaba ye bunguk memang dide butuh agi banyak makan. karne lah bayak cadangan," jawab pak beluk sambil tetap kemamik makan. 
"hahaha," rombongan tu tetawe serempak.

Tag

Share

Koran Terkait

Kembali ke koran edisi Radar Kaur, Selasa 3 September 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan