Lum lame ni Pak Beluk dirayaki kawan lamenye ye asli jeme Jawa bename Anton. Kebetulan, waktu die berayak, Merin sedang ade pule di rumah Pak Beluk.
Singkat cerite, Pak Beluk langsung ngenalkah Merin dengan Anton.
"Ton, ini kance seidup semati aku, namenye Dang Merin," kate Pak Beluk.
"Salam kenal Mas Dang, aku Anton njak di Jawa," kate Anton sambil njabat tangan Merin.
"Yak luk ape kawan kaba ni Bapang Yung," Merin ase ndak tetawe ase ndak marah ndengar Anton manggilnye Mas Dang.
"Maklumlah pule ce, die tu lum terti base kite ni," timbal Pak Beluk.
"Apa kegiatan sekarang Mas Dang," kate Anton ye lum juge paham.
"Yak ce, luk ape kaba ni, jadilah panggil Dang Merin saje ngape gelenggaman aku," kate Merin.
"Oh, salah toh, maaf Mas Dang Merin," kate Anton agi.
"Adak Ton, ngape die tambah idar tu, ame lah be Dang, dide pule ndak be Mas agi ni, Mas dengan Dang tu semegi saje bai. Memetiah saje kaba ni, hahahaha" Merin njelaskah sambil tetawe.
"Hahahaha, udim nginjekah mas dang, iluk ngupi kudai kite," kate Merin.
"Hahahaha mantap juga itu Mas Dang Merin.
"Hahahaha," merin tambah ngakak tetawe. *