Pak Beluk becerite dengan Ujang Kricup. Zaman ble bujang dulu pernah b*nuh jeme. Ble b*nuh jeme karena duel.
Merin yang lah keruan dengan sifat Pak Beluk cuma diam saje ngehaningkah ceritenye ke Ujang Kricup.
Sekitar 2 hari udim cerite itu, Ujang Kricup ini endak midur Pak Beluk. Rencanenye endak betanye lebih dalam, sebab endai ceritenye 2 hari lalu disimpulkan Ujang Kricup. Pak Beluk ini ade ilmu kanuragan, sebab endak ditujah jeme ayin busuk carik, tapi urang besi tebingkuk.
Singkat cerite, waktu ngetuk rumah Pak Beluk. Ujang Kricup ini agak tekanjat karena Pak Beluk ini sedang nyapu rumah, sedangkan bibainye tesandar main Hp di kursi jok. Singkat cerite betanyelah Ujang Kricup betige dengan bibai Pak Beluk.
"Kang kalu aku ngehaning cerite kaba 2 hari lalu, kakang ini ade ilmu kebal. Karena waktu dicerite kakang, kakang itu dide mempan besi pasti ade ilmu kebal," kate Ujang Kricup.
Disini Pak Beluk agak debar-debar. Karena ceritenye itu hane cerite pembuhung.
"Cerite yang mane ding," kate Pak Beluk
"Yang kemari itu, kalu ade ilmu kebal kakang aku endak beguru kang. Aku ini lagi ade masalah," jawab Ujang Kricup.
"Ilmu kebal," jawab Ndung Yung.
"Jangankan ilmu kebal, ngehadapi jeme rami saje ketakutan, kene budi kamu ini," uji Ndung Yung.*