KARNE suatu urusan Pak Beluk nga bininye harus balik ke dusun endung bapangnye. Maghrib ini, Bapang Yung Pantit salat berjamaah di masjid. Di sane die jadi pusat perhatian jeme ye juge ikut salat berjamaah, khususnye anak-anak.
"Oii Endung Yung. Ngape jeme merhatikan aku gale. Cengki karne gaya aku pasang udem dan ngikuti trend. Mangke pakaian aku ni branded gale. Pasti tediam jeme ye ngicikkah aku dide kah Senang dulu tu. Waktu nginak aku mbaini," kate Pak Beluk nga bininye waktu balik njak masjid.
"GR dengah ni. Kebile pule titu? Di mane jeme merhatikah kamu," tanye bini Pak Beluk.
"Tadi waktu sembahyang di masjid," jawab Pak Beluk.
"Oii. Jeme tu pagehan siape die dengah tu. Cak dengah tu lah lame die merantau. Mangke salah bada denga ni begaya. Ke masjid tu nak ibadah bukane ndak pamer Luk denga tu. Lah salah niat kaba ni Bapang Yung," kate Mak Beluk menasehati lakinye.
Mendapat omelan bininye. Pak Beluk ye mpai sadar kalau lah salah niat cuma pacak terdiam. (yie)