Pelet Manjur

Lum lame ni Merin pai udim belage ngah bibay nye, ujung-ujungnye dik nian pacak di iluk’i hubungan tu. 

Jelah ndik pacak diiluk’i, pisah lah Merin ngan bibay nye. Pas lah pisah ndak nyakagh agi Merin ni tadi, ame katenye kah ndik kance tiduk.

Becakagh lah dengan jande atau gadis lah seminggu becakagh dapatlah jande anak sikuk.

Anye sebelum dapatkah jande tu tadi sempat belajar ilmu pelet, ngan Pak Beluk. Berhubung Pak Beluk pacak ilmu pelet hasil nurun ngan bapangnye.

Pukuknye sate lah dapat ilmu pelet tu gadis atau jande yang menurut nye lemak dipelet pai bacekannye.

Contohnye luk besak lempung tu. Itu jande.

Ame gadis ndak gemoyy segale gemoy.

Lah dapat jande tadi lah mempan lah udim nikah lah sah. Akhirnye cite-cite Merin tecapai dapat nian jande ndik kance tiduk. 

Ndik lame udim nikah, paling seminggu, lah tedengar Merin ngah bini mude ni tadi ribut besak. Lah pecah-pecah piring, men periuk lah sampai tengah jalan terbang.

“Adak periuk sape di jalan ni, ghuleh aku,” kate Yung Pantit, pas balik jak sekol.

“Ai cengki Mang Merin ni ribut besak, mampuslah aku batak balik periuknye. Takarannye endik pacak nanak nasi kenan. Itulah die dide iluk main kucur men cakagh bini,” kate Yung Pantit, dalam ati.