Urung Romantis

Ceritenye bulan puase kemaghi Yung Pantit ye dang bujang meranjak buke besame ngah santingan. Tini pai belajagh nyanting. Renjih kutut kate jeme tu.

“Di mane kite bukber ni kak?” santingan Yung betanye.

“Teserah kate adik tulah, kakak nurut saje,” uji Yung kata pacaknye.

Lah lame ughang due ni chat lewat WA ni. Kesimpulannya, Yung Pantit ngah santingannye kah bebuke di pinggir pantai. Sambik memandang mate aghi umban. Men kate jeme mak ini aghi, sun set. Terus pembukeghannye mbatak, mbeli di Gedung Kuliner, Bintuhan.

“Jangan lupe beli onde-onde awu dik,” pesan Yung.

“Siap! Tenang saje k2,” uji santingan Yung, kata riangnye.

Lah belagak pasang udim budak due meranjak besak ni. Men Yung ni antakah pegi endik keruan kalinye ngadap kace. Luk itu pule nukar celane ngah baju, endik teritung agi. Seminggenye lah abis celane ngah baju dalam lemari. Lah numpuk di pucuk kasur gale.

Singkat cerite lah sampai pinggir pantai badah janjian tadi. Kelelinyum saje Yung Pantit ni. Luk itu pule santingannye, awalnye malu-malu kucing. Mangke tu duduk sedampingan ughang due ni sambil ngadap pantai ngarah mate aghi umban. 

Enkasnye rami juge bebudak ye bukber di pinggir pantai ni tadi. Rerate bebudak, ade pule ye lah ndulu bebuke. 

Pas lah waktu bebuke, udim minum cendol, Yung ni langsung ngambik onde-onde. Langsung kenan gigit setak, mancar gule dalamnye. Kenelah muke ngah baju santingan ni tadi. Awak santingan ni tadi pakai baju putih.

“Nduk dik....Njauh die mangke endik kene,” kate Yung Pantit, merase besalah.