Jeme Murahan

PAK BELUK kedatangan kancenye njak luar kabupaten, Jamet. Kini, die bersame kancenye itu dan Merin sedang ngobrol di berende ghumah Pak Beluk. Obrolannye masih seputar tentang Pemilu 2024.

"Adak manelah Caleg ni awa. Lah damping nga pemilihan ngape belum ade ye bekusik ke ghumah," kate Pak Beluk mbuka obrolan.

"Ahh kaba. Kele berungut pule kaba. Kate kaba ngabisi gule kopi saje," ujar Merin menanggapi.

"Amu kah Pemilu ni lain, co. Rombongan caleg atau tim sukses amu bekusik tu. Biasenye mbatak gule kopi plus duit rokok. Makenye itu aku tunggu-tunggu tu. Sakit kerungkungan maju ngudut gandum ni. Nak ngecap Surya kudai," ungkap Pak Beluk.

"Yak. Belum mulai di bada kamu ni. Amu dibada kami lah betantum peserta Pemilu ye kampanye njak ghumah ke ghumah," kate Jamet.

"Yak kelemaknye di kamu tu, Met. Ade dibada kami ni masih nihil ye ngenjuk serangan fajar," keluh Pak Beluk.

"Ckckck. Rupenye ndak serangan fajar tulah kaba ni,Pak Beluk. Itulah gelisah kemane peserta Pemilu nga Dide bekusik ini," kate Merin.

"Yak tape agi bro. Jaman susah Luk ini. Saweran kertas selembar warne abang tu lah beghenas nian. Nyelah dide Met," sampai Pak Beluk.

Jamet menimpali, "Nyelah Pak Beluk. Kebile dapat duit cukup li nyucuk sekali".

"Berarti mendukung praktek korupsi kamu ni kalu menerime politik uang. Dide cinta NKRI kamu bedue ni. Mangke murah nian suare kamu tu cukup nga duit Rp 100 ribu saje. Ingat satu suara menentukan nasib bangsa 5 tahun kedepan," papar Merin.

"Nah Met. Amu Luk itu kite milih sesuai hati nurani saje. Emang kite cowok apaan ye pacak dibeli nga duit Rp 100 ribu," kate Pak Beluk.

"Nyelah Bapang Yung. Amu kite nerime politik uang berarti kite ni murahan. Dide aku kah nerime duit Caleg tu, aku ukan jeme murahan," ujar Jamet.