Jebakan Bange

KEMAGHI tu Pak Beluk ni tengah sibuk nguyunkah tali, ye dikebatkah ke batang mangga. Tengah ngebatkah tali, Pak Beluk ni ngicik sughang.

"Buat jebakan ah, sape tahu ade yang tejebak,"kate Pak Beluk

Lum lame Pak Beluk ndai ngicik, Merin pun datang.

"Tape die kabah buati ni Pak Beluk," tanye Merin.

"Aku ni agi mbuat jebakan Merin," jawab Pak Beluk.

"Nduk... jebakan ape pule titu," tanye Merin penasaran.

"Kabah ndik bulih tahu ini jebakan ape, ini jebakan rahasia ku haha," jawab Pak Beluk.

Ngehaning jawaban ndai Pak Beluk ni tadi, Merin jadi tambah penasaran sambil ngerutkah kening.

"Nduk... ade pule jebakan pakai rahasia. Njuk tahulah Pak Beluk kelak ku tulungi mbuati jebakan rahasie ni," ajak Merin.

"Kalu kabah ndak tahu, njuk aku duit Rp 20 ribu kudai. Soale tini jebakan rahasia, udim kabah ngenjuk aku duit kele ku njuk tahu," jawab Pak Beluk.

"Yaakkkk mase pule ndak pakai duit titu," jawab Merin sambil bekerut.

"Udim kalu dide ndak tahu, tinggalkah aku sughang disini, aku ndak buat jebakan," kate Pak Beluk sambil ngusir Merin.

Karne Merin ni masih penasaran, akhirnye dinjuki nye duit Rp 20 ribu Pak Beluk ni tadi.

"Naahhh ambiklah!” Jawab Merin sambil ngenjukkah duit.