CCTV

PAK BELUK dengan Merin ni agi cerite tentang barang - barang kini yang semakin mahal, dan Pak Beluk nanye ngan Merin.

"Kabah lah tau belum kalu barang kite kini lah semakin naik hargenye?" tanye Pak Beluk.

"Tahu lah, aku kan galak nginak di TV. Bahkan dulu banyak yang demo mintak turunkah harge bensin, pas bensin melonjak naik," jawab Merin, panjang libagh.

"Nahh au nihan gaul kabah ni Merin. Ngikuti berita juge kirenye. Masalahnye barang yang lain juge mikut naik," kate Pak Beluk.

"Ndak lukmane agi ce, kan ngikuti harge kebutuhan zaman titu, dulu saje kami pas ngah Ndung kami ke minimarket cuman bawe duit Rp 500 perak lah dapat beli susu, gule, teh, odol, coklat, sabun dan kebutuhan lainnye," kate Merin.

Merenung lah Pak Beluk ni, ndengar cerite Merin. Terus jawabnye.

"Mase uy, peraseku umur kite ni ndik jauh nian, ngape barang-barang kabah beli dulu murah nian," Pak Beluk sedikit ndik percaye.

"Ayin karne murah ce,” jawab Merin singkat.

"Lalu ngape titu?" jawab Pak Beluk heran.

"Yakkk au ce... kalu zaman kini ndik bedie dapat ke minimarket bawe duit Rp 500 perak dapat segale tu. Soalnye segale minimarket kini lah pakai CCTV gale," jawab Merin sambil tetawe.

"Nduk buyan nian kabah ni," jawab Pak Beluk sambil nawekah Merin.(fps)