Sebanyak Dang

PAK Beluk petang kemaghi bepikir lukmane  ngalakan kancenye Merin. Masalahnye Pak Beluk kalah saje, kenE tipu saje dengan Merin. Jak Presiden Donald Trump sampai kini lah perang Palestina dengan Israel masih juge Pak Beluk kenE tipu saje. 

Mulailah Pak Beluk susun rencane, dalam atinye kalu urusan tanci kalah, urusan kerje kalah pule. Lah banyak care tapi masih kila kalah sampai-sampai Pak Beluk emosi dengan Merin. 

Namun kali ini kate Pak Beluk pasti kalah Merin, jurus pamungkas yang ndak dicubekannye,... ajak sebanyak dang. 

Besiap peci udim Pak Beluk datangi rumah Merin. Pas lah nyampai, tedembang pasang udim Pak Beluk,”Merin ape kabarmu, sehat kabah. Aku ndak nantang, ndak cubo sebanyak kata dang untuk ape saje guno sambungan katenye.  

"Maksud kabah tuape Pak Beluk, duduklah kudai. Sesenai saje, jangan banyak kicik kabah, kele kalah agi," timbal Merin.

"Kali ini dide kah kalah, masalahnye ilmumu belum sampai kesitu," Kate Pak Beluk. 

"Cube lah kudai sampaikan, apo yang ndak diujikan," jawab Merin. 

"Cube jawab kudai, beghape banyak sambungan kate dang," uji Pak Beluk. 

"Mudah itu Pak Beluk, kate dang yaitu, ade dang sayang, ade dang makan, ade dang tiduak mangke ape lagi," Merin nyerah. 

Jawab Pak Beluk “Kalah kabah Merin cuma dapat mbak itulah”. 

“Dang naik, dang turun, dang jahat, dang baik, dang  nimbak, dang kentut, dang minum, dang mandi, dang belaghi, dang bejalan, dang main, dang masak, dang jajan, dang ngudut, dang demam, dang setuju, dang sekolah, dang balik dang pegi, dang belajar, dang ngurut, dang mulakah, dang begadisan, dang ngintip dang nulis, dang begadang, dang salat, dang istirahat, dang belagak, dang ke pantai, dang melumpat, dang nyetir mobil, dang bebunyi, dang banyak lagi Merin, de kah udim petangni, masih banyak lagi Merin,” dang pamit kudai Kate Pak Beluk.

“Satu kosong kali ini kaba Merin, dang ndak bejando kudai dadah Merin,” kicik Pak Beluk anjam nian. (man)