Gulai Jantung

gulai jantung belum lame ini yung pantit anak semate wayang pak beluk bebesakan dengan kancenye di sekul. sampai-sampai gurunye ikut tetawe juge nganikah cerite yung pantit ini. singkat cerite yung pantit bekabar dengan bapangnya. “bapang, tadi aku ni bebesakan di sekulah,” kate yung pantit “ape pule mu kician mu pembuhung dengan kancemu mu yung,” timbal pak beluk “biase bapang batan hiburan, guru saje tiap masuk tegang saje bawaan,” uji yung pantit. “namenye guru yung, amen jam pelajaran serius ngajar de bulih same besiul di kelas,” uji pak beluk “samelah bapang, de ade senyumnye, mentang-mentang lah pintar,” timbal yung agi “ape pule masalanye gurumu tetawe pule riangnye yung,” uji pak beluk agi. “ini bapang pas pelajaran tentang batang pisang,” timbal yung “ngape dengan batang pisang yung ape salahnye,” uji pak beluk. “guru nanye pas lah lame belajar di kelas, amen balik ape gulai makan anak-anak,” uji yung. “mangke iluak mane jawabmu yung,” uji pak beluk “jawab aku, kami gulai paling tinggi pak guru. jadi bingung guru, ape pule gulai paling tinggi tu yung,” cerite yung “ape guru jawab,” uji pak beluk “dide tahu guru jawabnye bapang,” timbal yung agi “pas lah lametu, dide pacak guru dengan kence aku jawabanye,” timbal yung “ape pule mu jawaban terakhir yung,” kate pak beluk lah pusing. “aku jawab bapang, gulainye paling tinggi tu gulai jantung, anye ukan jantung binatang. hanye  jatung pisang,” uji yung “ay yung-yung, same saje kite ni, betul nihan kate jeme banyakni. anak pisang itu didekah jauh jak batangnye, kalau jauh dimakan kaput,” timbal pak beluk sambil ngangguak palak putih. 

Tag

Share

• 
• 
• 
• 
•