Sarung Angit

Keluarga kecik ni dang bekumpul, lengkap gale dalam seghuma. Becerite lah keluarga kecik ni tadi. Pertame Yung Pantit nanye ngah ndungnye.

"Ndung ngape aku ni pacak lahir? Luk mane sangkan aku ni lahir?" kate Yung nanye ngah Ndungnye

Setapuk diam kudai ndung Yung sambil cuil Pak Beluk. Mangke tu lum lame jelah jawabnye. Anye lum setapuk jawab Ndung Yung secara langsung masih nanye timbal balik.

"Ngape pule kabah nanye luk itu Yung?" timbal Ndung Yung.

"Aww dikde ndak tau saje," jawab Yung Pantit.

Jelah tu langsung dijawab lah gawi Ndung Yung ni tadi. 

“Karene kabah dilahirkah di dunie, berarti kabah tu hebat ame lah besak nanti kuat,” jawab ndungnya.

Singkat cerite, awak dang seru cerite lah diganggu jeme alias ade jeme ngetuk duaghe. Betambah anggota cacaknye. Sate dibukak Merin.

"Ngape dengah ni Rin, luntak-lantung bekain-kain panjang saje ni awak bujang, gadis mane galak marak ngah kabah ni ame luk inilah," kate Pak Beluk.

Lah banyak ame obrolan mangke tu, bedetup mati lampu. Datang Yung Pantit besimbun dalam sarung alias masuk sarung Merin.

“Angit pule kain ni kan dik nyesah, berape taun dik nyesah,” Yung tegaik.

“Hahaha…Jabe pule,” tetawe seghempak Pak Beluk ngah Ndung Yung, undak Merin lah ngikut nawe. (cw2)