Salah Tebak

salah tebak pak beluk dengan merin nonton bareng piala eropa kebetulan main belanda lawan spanyol. “jagokan mane kaba maen bola malam kele?” tanye pak beluk. “aku jagokan spanyol,” jawab merin. “kalau kaba jagokan mane?” merin nanye balik. “aku pastilah belanda,” jawab pak beluk. singkat cerite due bekawan ni nonton bareng rumah pak kades. pas sampai bada nonton, maen lah mulai. jeme lah banyak di badah pak kades. pak beluk dengan merin sampai, kursi badah duduk lah disiapkan dengan pak kades paling depan. “kaba dukung mane?” pak kades nanye pak beluk. “aku belande, kalau pak kades yang mane pule?” tanye balik pak beluk. “same dukungan kite, kalu beda nak jauh badah duduk aku,” pak kades sambil tetawe. pas maen spanyol hampir ngegol, pak beluk lah nak meluncat. “kudai kaba dukung mane bapang yung?” tanye kades agi. “belande,” jawab pak beluk. “ngape kaba riang nian spanyol nak ngegol?” tanye pak kades. “kudai belande ni pakai baju warna ape?” jawab pak beluk. “yak pakai baju orange, yang hampir kebobolan tadi,” jawab pak kades. “o... itu, aku meluncat make endik gol,” kate pak beluk. “yak salah dukungan aku ni, untung pak kades pacak dikibuli, nide ketauan salah dukung ni,” dalam ati pak beluk.

Tag

Share

• 
• 
• 
• 
•