Bebasuh Pakai Bir

Pak Beluk mbak ini lah luk ahli sejarah. Kenan banyak ghulih bahan cerite njak jeme tue di dusun. Tukang aningnye rombongan Merin ngah Ujang Kericup nilah.

Men Merin antara percaye ngah dide nganing cerite Pak Beluk ni.

Amen Ujang Kericup tinggal mengak saje. Dide ngerjap mate Ujang nginak Pak Beluk becerite. Men mulut maju tecangak sambik meratihkah Pak Beluk becancung.

“Daerah kite ni dulu kirenye kaye raye,” Pak Beluk memulai cerite sejarah.

“Kaye lukmane?” Ujang penasaran.

“Ui, ndik keruan ngah kamu. Base daerah kite ni dulu tekenal penghasil cengkeh sebesaknye di Provinsi Bengkulu,” kate Pak Beluk melanjutkah cerite.

“Udim tu...Dealer mobil pertame di Provinsi Bengkulu ni di daerah kite ni. Lum bedie di daerah lain, kite lah ade dealer mobil. Mobil dulu Datsun,” Pak Beluk lah mulai panjang libar becerite.

“Yak...Kaye nian puyang kite mpaini awah,” sintung Ujang.

“Ada ukan agi ce. Puyang kite dulu men makan basuh tangannye ngah bir. Men jeme bir diminum awah. Lantaknye ngah puyang kite paini untuk basih tangan sebelum ngah udim makan,” Pak Beluk meyakinkah.

“Yak...Kaye nian awah. Anye ngape ndik diwariskah puyang ngah anak cucungnye ni?” Ujang betanye.

“Men itu lain agi ceritenye ce. Panjang ceritenye tu, pacak semalaman,” kate Pak Beluk mantap.(daspan)