Jande Luar

Jadi Pak Beluk ni kebingungan ke mane ndalak bibay umur lah kian ngancap. 

Lum lame ni Pak Beluk dapat notifikasi di Facebook (FB). 

Rase penasaran ni kian besak, jadi stalking nyelah FB yang nge-chat ni tadi. Pas distalking jeme luar alias bukannye jeme Indonesia, ame nginakah Foto profilnye.

"Yak kanye jeme damping ame nginakah arungnye ni," dalam ati Pak Beluk.

Singkat cerite, balasinye lah gawi Pak Beluk, betine luar negeri yang nge-chat ni tadi.

Lah banyak obrolan singgenye, lewat HP. Lum riang ame lum dikicikah ke Merin. Jelah langsung ke ghumah Merin ngicikah Pak Beluk dapat kenalan jeme luar.

Lah sampai lah di ghumah Merin, langsung bercerite. Lah panjang ceritenye anye jawaban Merin jangan diladeni takut kene hipnotis jarak jauh.

"Yak mase kene hipnotis setatapan kiah dikde ngah jemenye," jawab Pak Beluk.

Singkat cerite agi, tibe-tibe di VC (video call) mendadak gawi jeme luar ni tadi kebetulan agi ngobrol ngah Merin. Ndik mikir agi langsung diangkat telpon VC ni tadi.

Sate kinak i, walhasil jeme damping nilah alias jande mude dusun tetangge.

"Kurang gawi nian kabah ni awaklah jande," Pak Beluk ngicik.

"Mending aku jande lah pernah ngerasekah belaki," jawab jande mude.