Takut Mati

INI cerite waktu Pak Beluk masih mude, saat die bekerje jadi sopir taksi di Pulau Bali. 

Sewaktu malam, dini hari menjelang subuh. Die dapat penumpang 3 orang lanang besak tinggi ye kah balik njak diskotik. 

Pak Beluk sebenarnye malas ngantar jeme tige tu. Selain karene memang die lah litak. Die juge malas meladeni kamangan ye dang mabuk alkohol itu. 

Belum lagi karne rombongan tu minta antar ke lokasi ye berbeda. 

Namun, karene dipakse, akhirnye diantarnye juge tige lanang pemabuk tu. 

Keruan kamangan tu dang mabuk berat. Pak Beluk hanye ngidupkan mesin saje. Lalu di gas-gas dikit mangke luk seolah-olah lagi nyetir. 

Singkat cerite, Pak Beluk mematikan mesin mobil, lalu ngicik nga penumpang. 

"Kite lah sampai om," kate Pak Beluk. 

Penumpang pertame lalu ngenjuk duit ongkos, mengucapkan terimakasih lalu turun. Begitupun dengan sampai dengan penumpang kedue. 

Saat sampai ke penumpang yang ketige. Si penumpang secare tibe-tibe menampar Pak Beluk. 

Die yang sambil ketakutan lalu ngicik, "Ape salah aku om. Angkan sampai kamu tepak".

"Gile kaba ni nyetir. Pasang udem nian kaba nginjak gas. Masih takut mati aku ni. Kaba kire aku ni mabuk. Dide aku ni mabuk, masih keruan dunie. Nah ongkosnye," kate penumpang ketige itu. 

Takut kalu jeme itu sadar kalu digabusi. Pak Beluk langsung tancap gas memacu mobilnye. *