Berebut Kate

berebut kate ceritanye ndung yung ni sedang jemur kawe alias kopi.  lum lame kopi tejemur, merin ngah kancenye lalu sambil beragam. "banyak kawe bung," tanye merin. "alhamdulillah rezeki lebaran haji," jawab ndung yung. "pacak mintak hasilnye ndik bung, amen lah jual kele," ragam merin. "ucul ndik beli bakso pacak," jawab ndung yung. lum lame merin nanyekah pak beluk ndak ngajak mikat burung. anye ndung yung ndik ngajung. "ude-udelah kudai bapang yung ndak mikat saje ni, nguntungkah adak payah au," ndung yung marah. jadi singkat cerite karne ndik diajung, nginak hari lah agak mendung, ndung yung ngan pak beluk ngangkiti kopi tadi sambil nakari masukkah ke karung. behitung lah ndung yung ni tadi dengan pak beluk sambil nakarinye. anye pas lah kehitungan tujuh berebut kate pak beluk ngan ndung yung. ade yang ngicikkan pitu ade yang ngicikkan tujuh. ndung yung ngicik kah tujuh, pak beluk ngicikah pitu. behitung agi singgenye maju pak beluk ni ngicikah pitu, ndung yung masih ngicikah tujuh. "tujuh," kate ndung yung  "pitu", jawab pak beluk. "uyy bapang yung tujuh, pitu-pitu tujuh kate jeme tujuh ndik bedie pitu," ndung yung lah emosi. "ayy dengah ini ndung yung itulah kabah ndik tau, base pitu tu same saje dengan tujuh," jawab pak beluk.

Tag

Share

• 
• 
• 
• 
•