Berebut Biduan

DESA badah Pak Beluk tinggal mendadak heboh. Ini karena, sambil batak balau nga pedang warisan nining, Pak Beluk ngah adingnye Pak Belalang nganduni Pak Bejo. 

Waktu Pak Beluk ngah Pak Belalang datang. Pak Bejo lah nunggu di depan rumah, lengkap dengan sebilah keris luk 13 warisan mbahnye njak Pulau Jawe. 

Beruntung emosi ketigenye segera diredam oleh warga sekitar. Sehingge dide terjadi hal tak diinginkan.

Kejadian ini tentu juge membuat terkejut jeme satu desa. Sebab, Pak Beluk ngah Pak Bejo ini lah lame bekawan akrab. Belum lagi keduenye ye memang dulu dikenal jadi centeng di desa same-same lah tobat.

Kini rombongan tige ini didampingi keluarga sedang musyawarah keluarga di rumah Pak Kadus. 

"Jadi sebelum kite berembuk ni aku ingatkah. Amu dide selesai nga aku, kite naikkah nga Pak Kades. Amu dide selesai pule di tingkat desa, kite tempuh jalur hukum, " tegas Pak Kadus. 

"Tapi amu kah pacak jadilah batas inilah masalah ni. Kamu betige ni pacak bedamai, " harap Pak Kadus. 

"Siap Pak Kadus, " kate hadirin di bada musyawarah. 

"Jadi ape die awalnye kamu berikut ni? " tanye Pak Kadus. 

"Jadi luk ini Pak Kadus. Pas malam minggu ni tadi Pak Belalang datang ke ghumah. Die ni beribut nga Pak Bejo di bada kaguk'an . Kate ading ku ni, Pak Bejo ni ngicik ajaklah kakang kaba tu aku dide takut," jelas Pak Beluk. 

"Yak. Ku pikir, ape maksud die tu. Luk mpai kenal saje die ngah aku. Udem tu nyelah die ku anduni, " tambah Bapang Yung Pantit ini. 

"Guk nian kaba berikut nga Pak Belalang di bada kaguk'an dan ngicik luk itu Pak Bejo? " tanye Pak Kadus. 

"Au guk nian Pak Kadus. Tapi Pak Belalang ni ye tetibe mbegikkah aku jak belakang, Pak Kadus. Siape dide emosi tetibe dibegikkah awak aku dang asik benagh joget ngah biduan," kate Pak Bejo. 

"Ngape kaba berbuat luk itu nga Pak Bejo. Jawab jujur sejujur-jujurnye, " kate Pak Kadus nga Pak Belalang.