Kene Perangkap

kene perangkap lah berape aghi ni yung pantit maju mendam saje di ghumah dan maju diam tulah. karne penasaran dan curiga ngan gelagat anaknye, pak beluk betanyelah dengan yung. "ngape kaba maju mendam saje ni yung, ngicik gi dide," tanye pak beluk. "anu bak, aku tu takut kamu marah," timbal yung ye ampir nangis. "ngape pule aku marah, amun kaba ndik salah," jawab pak beluk. "itulah bak, aku tu salah nian," kate yung agi. "salah tape pule," pak beluk tambah bingung. "kemarin aku maling ayam bak," yung mulai jujur. "ayam mane, ayam siape. mangke mane ayam tu. pacak kite balikka saje dan mintak maaf ngan jemenye," kate pak beluk agi. "itulah, ayam tu lah aku jualkah bak," yung ngulang jujur agi. "nah, amun luk itu mane tancinye," tanye pak beluk agi. "lah abis pule bak," jawab yung.  "yak entah nian yung. ude ayam sape kaba maling tu. pacak kite jenguk jemenye," pak beluk marahi anaknye. "ayam besak di dalam reban belakang ghumah kite ni bak," kate yung jujur nian. "nah, bearti kaba nila maling ayam bangkok aku. jeme lah payah bedalak. mangke berape pule kaba jualka ayam tu sangkan lah abis tancinye," pak beluk langsung marah nian karne ayam kenan memang lengit. "50 ribu bak," timbal yung agi. "ayai yung, aii nak," pak beluk tambah marah nian. "kate bak tadi dide ke marah. kate bak pasti iklas amun aku lah jujur. ngape bak masih marah," kate yung luk adak. "ayai yung ai. aduhh haai," pak beluk ndik pacak agi ngicik ngan anaknye tu. sambil kisit ke luar ghumah karene kesal, dalam ati pak belum “kene perangkap aku ini, dide pacak marah nian, sebab lah janji tadi”.

Tag

Share

• 
• 
• 
• 
•