Salah Badah

salah badah petang kemaghi pak beluk main ke rumah kawan akrabnye merin. biase amen sampai ke rumah merin, kupi gelas besak betangkai dengan juada lepat ubi sepiring berunju ade terus. tapi amen merin betamu ke rumah pak beluk, cuma aiak putih saje, de ade kancenye ape lagi ndak lepat ubi masih jauh nian. dalam ati merin,  lemak nian pak beluk ke ghumah aku dapat terus makan lemak, cubo amen akun ke rumahnye dide dapat ape-ape, cuma aiak putih saje.  "merin aku ni lagi de beduit. bantu kudai aku lagi penting nian,"uji pak beluk.  "same kite itu, aku juge de beduit agi," timbal merin.  "jadi mbakmane carenye ce, aku lagi butuh nian tanci," jawab pak beluk agi.  mulailah merin mikir dengan diam jerang, dalam atinye njuk saran salat tahajud pak beluk ni.  "cube mu salat tahajud kudai pak beluk, carenye bangun tengah malam mangke salat," saran merin.  "lukmane minjam tanci dengan salat tahajud," jawab pak beluk agi.  "ujikah kudai, banyak terbukti saran ku ni, pasti ngene. pas salat tahajud tu, sambil nangis kicikan gale keluhan. pagitu datang lagi ke rumah akuni," terang merin ngajari pak beluk.  belum lame pak beluk balik. lah tiduak malam pas saje tengah malam, pak beluk bangun salat tahajud. kate doa pak beluk lagi salat “ya allah tulung nian kali ini saje minta tanci rp 500 ribu batan beli kereta yung pantit sambil nangis dedesut. tulung nian ya allah tanci rp 500 ribu oi, asalamualaikum tanci rp 500 ribu penutup salat tahajudnye”.  lah siang tu langsung saje pak beluk datangi merin.  saran merin langsung saje datang ke rumah tetangge sebelah ni pak beluk. sampaikan kekandaanmu.  "aku datang ni yang pertame silaturahmi. yang kedue minjam tanci rp 500 ribu saje, balikannye bulan depan," kate pak beluk sambil nggegarutpala.  "jangan rp 500 ribu kecik titu, tambah lagi rp 1 juta saje," uji tetangge merin.  dalam ati pak beluk, jitu nian doa salat tahajud semalam. lah lambat ige bedoa ni. amen iluak ini pacak beduit aku ni, lah lame kaye.  "anya pinjam rp 1 juta, balikah tanci aku rp  1.500.000 saje sebulan," kate tetangge merin agi.  langsung saje pak beluk berangkat nemui merin. waktu betemu kantinye pak beluk langsung nyerocos  saje, "rentenir aku temui merin, pantaslah pacak minjam duit bebunge, dide pule kah pakai doa tahajud nian," kate pak beluk sambil ngeringam.  uji merin, "katenye ndak duit, doa tu mangke jalan tambah lancar. zaman kini aghi pakai bunge pinjam duit mengke de dipersulit," timbal merin.  "tobat aku merin minta saranmu. beduse besak kabah, ngajukah aku bedoa  ke tuhan nian. ujung – ujungnye minjam duit ke rentenir, salah badah itu kabah. ngerjei kabah ini, tunggu aku kaye, ceki banyak duit aku," timbal. pak beluk agi sambil balik ninggal kan merin. (man)  

Tag

Share

• 
• 
• 
• 
•