Duit Halal

Belum lame ini Pak Beluk dengan kancenye Merin potong hewan kurban. Biaselah de ndak ketinggalan Pak Beluk dengan Merin ikut jadi panitia kurban. Padahalnnye die bedue tu yang berkurban. 

Singkat ceritenye, Pak Beluk kurban satu ekor sapi dan Merin satu ekor kambing. Die beduetu ikut jadi panitia potong hewan kurban. 

Singkenye Pak Beluk sibuk milih bagian nye lemak dimakannye. Amen tulang-tulangan dipeci ughang kambangantu buat sup tulang. Amen dagingnye die bedue ngaturnye.

“Merin bagian aku minta cak beghape kantong. Mangke pacak aku bantu tetangge,” uji Pak Beluk.

“Ini Pak beluk yang kangau sekantong ade gale isinyeni daging sapi dengan kambing dengan tulang pule. Nye banyakni bagikan lah,” jawab Merin.

“Ai cacam banyaknye Merin batan yang akuni, dide ngape kite nila punye kerjeni,” timbal Pak Beluk.

“Yang mu Merin, begape kantong,” timbal Pak Beluk.

“Kiteni panitia beghape saje nye penting halal kite belinye,” jawab Merin.

Mantap juge kate Pak Beluk amen potong hewan kurban, pahala dapat, daging banyak pule dapatnye. Anye ngape dengar cerite jeme, amen potong hewan kurban jangan milih-milih untuk panitia, yang pasnye serahkan gale, jangan minta ape lagi dipeci buat sup pule.

“Merin de salah care kite potong hewan kurbanni, mase kite yang punye hewan kurban, kite juge yang baginye, kite juge ngaturnye,” uji Pak Beluk.

“De pule ndak pusing Pak Beluk, urusannye yang diatas kite serahkan bulat-bulat dengan yang buat hewan ni. Jadi jangan dipikirkan agi,” timbal Merin.

“Bukan iluak itu Merin, jeme banyakni amen potong hewan kurban diserahkan bulat-bulat dengan jeme lain panitia kurban, lagi pule yang kurban de jadi panitia ape lagi ngambik bagian,” uji Pak Beluk agi.

“De ngape dunie lah maju Pak Beluk, jerang agi amen kurban terserah awak ndak banyak dapatnye daging de jadi masalah, yang penting hewan tu dibeli duit halal,” jawab Merin sambil ngerinam.