Urung Beli Pulsa
Pak Beluk--
Mak Beluk kini lah punye Hp libagh.
“Yung, ngape Hp aku ini nide pacak balas WA?” tanye Endung Yung.
“Yak kalu abis paketnya,” timbal Yung.
“Yak di mane pule badah paketnye ni?” tanye Endung Yung penasaran ade paket.
“Luk mane make beisi paketnye?” tanye Endung Yung agi.
“Beli di konter, depan humah ini ada,” jawab Yung.
“Aman men luk itu,” jawab Endung Yung.
Pegilah Endung Yung ke konter.
“Dek, beli pulsa paket,” kate Endung Yung.
“Berape nomonye buk?” kate jeme konter.
“Yak kanji pule kabah ni, lah tue akuni nak minta nomor Hp,” jawab Endung Yung.
“Aku anak mintak isikan pulsa, bukan ndak ngejuk nomor Hp,” jijih Endung Yung.
“Bu, isi pulsa itu ndak ade nomor Hp-nye,” jelas tukang konter.
“Udimlah aman kamu endik pacak ngisikah pulsa,” Endung Yung kisit.
- Tag
- Share
-
-
