Ndalak Selamat

SAAT udem makan malam.

Mak Beluk bercerite nga lakinye.

Die nyeritekah gosib tentang Wak Bejo ye lah usia 69 yang dikatenye kah bebunting agi.

"Keruan dide nga kaba Bapang Yung. Wak Bejo ye lah jadi piyut (punya cicit, red) itu lah selingkuh," kate ndung Yung Pantit.

"Adak. Ye sebenarnye, keruan jak mane kamu kabar itu," tanye Pak Beluk nga bininye.

"Benagh nian Bapang Yung. Tadi aku dengar cerite rambangan kerbai waktu dang pengajian," jelas bini Pak Beluk.

"Itulah jiku lanang ni. Awak lah mbau tanah masih kinah kekanjian ndak bebunting agi," tambah ndung Yung Pantit.

Sambil geleng-geleng palak Pak Beluk ngicik, "Entah cuma gosip saje titu".

"Benagh nian bapang Yung. Ibung Ijah kemaghi nginak die setemuan nga rande," bela ndung Yung PD.

"Jangan dipecaye ige. Amu salah, kele jatuhnye fitnah," nasehat Pak Beluk.

"Nah benagh nian titu bapang Yung. Amu jak gelagatnye lah selingkuh nian die tu," Mak Beluk mempertahankan stetmennye.

"Ude gila amu luk itu kate kamu," ujar Pak Beluk.

Dalam hati Pak Beluk, "Enggup nian kalah amu berdebat nga kerbai ini. Kah kalah nian tulah badan supaye aman. Kalau kalah bedebat malah kele kicikan lah melibagh ke mane – mane, biasenye sampai rebut. Penting ndalak selamat saje badan".