Dunie Gincing

PAK BELUK kini purik nian, sebab untuk beli rukuk saje lah mintak dengan ndung Yung Pantit. Semingge kenan dide pacak sekendak beli rukuk, harus ngehemat nian. Biaseny sehari semalam sampai due bungkus, kini harus pacak sebungkus saje. Jadi kenan setiap merukuk ngihutungi batang ye lah dihisap, supaye dide boros.

“Ngape kabah kini senai nian merokok bapang Yung,” tanye Ujang Kericup.

Nimbal Merin “Au nian, sejak beberaghe aghi ini kesannye kabah merokok mulai ngirit”.

“Itu cuma peghasean kabah bedue saje, peghasean aku masih biase saje. Dide ade beghubah, ambik rokok idupkah dengan penekil, hidap. Habis dicapakah, dide ade beghubah ce,” timbal Pak Beluk santai.

Sahut Merin “Au kalau secage teknisnye dide ade beghubah ce. Anye biasenye kalau ngupi model ini kabah merukuk sampai tige batang dide putus. Tapi kini, sebatang rukuk sampai setengah gelas kupi. Abis rokok kabah dide nyambung, udim tu tarikan kabah lain, lebih senai”.

Tambah Ujang Kericup “Au nian, aku lah pehatikan nian. Beghubah nian bapang Yung. Kalau kabah ngicik dide, itu ade ye kabah tutupi. Dide perlu ragu, kami bedue ini kantin baik mu, sampaikah saje ape masalah kabah”.

“Oii kabah, kini dunie gincing. Kalau kite dide pacak jage keseimbangan terukup kele. Jadi gegalenye mulai kah diperhitungkah gale, udimlah nananye urusan aku beda ape dede merukuk ini,” kicik Pak purik.