Salah Perasean

PAK Beluk purik nian, sebab kerje banyak. Sementare raban begawi ini model adak tulah, ade ye ngicikah pale sakik, perut sakik dan serening mecam. Semingge Pak Beluk bingung sughang, sebab urusan ini dide pacak udim jike kekantinnye dide kerje same. 

“Oiii alang sare uyunan ini, ape nianan kekantin ini bidapan. Ape hanya alasan saje, kalau mbak ini terus pacak stres,” kicik Pak Beluk gemimul.

Nganing kantinnye ngicik Merin nimbal “Janganlah purik nian ce, kerjekah saje ape ye pacak digawekan. Ye dide pacak dikerjekah ngkelah saje. Lemak kabah dide naik darah oleh kerje ini”.

Nganing kicik Merin Pak Beluk mendam, anye dide mulai ngicik agi “Kalau dide dikerjekah gedaup ini dide udim. Kalau dide ngudim, mangke akan jadi hal kele kite ini ce”.

“Au aku keruan, anye kah dimanekah agi. Kekantin kite ini model ini, jadi kah lukmanekah. Kite ngicik didekah ngudimi kerje, sebab yang kah dikerjekah dide bedie,” kate Merin santai.

“Aku ini bingung ce, kerje ini serame. Kalau dapat rezeki juge serame, jadi semestinye serame pule,” mumut Pak Beluk.

“Itu betul, anye kah lukmanekah. Barang ini didekah udim ulih kite bedue, jadi kerjekah yang ade saje,” tegas Merin.

“Inilah jadi aku bingung, ape aku salah perasean ape ye lain perasean salah,” mumut Pak Beluk purik.