Bene Nian

bene nian belum lame ini pak beluk dengan merin bejanji, beduetu amen pegi mancing udim azan salat zuhur. biase amen udim azan tu banyak dapat ikan pas mancing. mancing di sungai besaktu, amen siang banyak ikan nangkap. semingge banyak juge ikannye dapat. jak ikan besak sampai ikan kecik.  singkat ceritenye due sekantin ini bajaju mancing. “merin kite ngulang agi odel baghi, biase mancing sungai,” kate pak beluk. “nostalgia kembali itu pak beluk, lah lame dide mancing,” uji merin “aseku. amen mancing, pikiran tentang hutang keciak sampai hutang besak lengit gale,” timbal pak beluk. “hutang ape pule kaba pak beluk, penting benagg,” jawab merin. “biase masih seputar hutang rukuk nila,” uji pak beluk “luk ini saje, amen bunyi azan kite berangkat mancing,” uji merin “setuju aku merin tiap udim azan berangkat kite,” jawab pak beluk. “amen udim azan banyak ikan nangkap,” timbal merin. “nah,udim azan merin, berangkat kite,” uji pak beluk. mulailah beduetu mancing di sungai besak, singkatnye banyak dapat ikan. lah pagi aghitu, pak beluk mpai bangun tiduk, pas saje dengar azan masjid. anye azanni azan salat subuh. dalam ati pak beluk “pesan merin, udim azan  berangkat mancing, ikan banyak nangkap”. mulailah pak beluk datangi rumah merin, pas udim azantu, lah lame pak beluk nunggu di ghumah merin, sampai merin udim sembayang jak masjid. “ndak kemane kabani pak beluk, base aghini masih gelap, lah batak pancing ke ghumah ni,” uji merin. “pesanmu amen udim azan berangkat mancing ikannye banyak,” timbal merin. “ai cacam, bukan segale azan berangkat mancing tu. pacak seaghi semalam lime kali begulang ke sungai, bene nian kabani pak beluk,”uji merin.

Tag

Share

• 
• 
• 
• 
•