Gacang Bangkrut

MALAM tadi, Pak Beluk nga Ujang Kericup dan Merin datang ke bada tetangge ye kah pesta. Anehnye, saat ye lain sedang ngobrol satu same lain. Pak Beluk justru tampak sibuk nga Hp. Ini mengundang rasa penasaran due kancenye.

"Tape die kaba pedal di Hp tu Bapang Yung. Jak tadi ku perhatikan sibuk nga Hp," kate Merin.

"Itulah jiku. Jak tadi maju musikkah Hp. Aseku Ade gele ni Hp. Ade ye sampai 10 buah Hp jeme. Anye Dide nampak sibuk benagh luk kaba," Ujang Kericup menimpali.

"Adak dide kekawan. Aku ni dang monitor grup perangkat desa ni. Ade info penting ye lagi ku tunggu," jelas Pak Beluk.

"Empuk Luk itu aseku dide pule ndak dikunuk'i nian Hp itu. Ngobrol sekali-kali. Jarang kite pacak kumpul luk ini," nasehat Merin.

Walau lah dinasehati kawan-kawannye. Pak Beluk ini masih sibuk nga Hp. Merin ye kesal lalu meghantut Hp Pak Beluk.

Sambil nginak layar Hp Merin lalu ngicik, "Adak. main slot rupenye kaba ni. Alibi saje monitor grup perangkat desa ni tadi".

"Yak masih main judi online kaba ni Pak Beluk. Berhenti lah pule oii. Belum kan kaye kaba min slot ni. Ye ade tambah sare," kate Ujang.

"Au nyelah nian, Jang. Wak Bejo ye bos orgen tu saje lah bangkrut gegera main slot. Kalu Ndak ngikut jejaknye lah bapang Yung ni, main ini gacang bangkrut" tambah Merin.

Sementara itu, Pak Beluk ye tertangkap lagi main judi online. Hanye pacak diam saat ditatar nga dua kancenye itu.