Ukan Sombong

BELUM lame ini Pak Beluk ngadiri acara hajatan sanak kancenye Merin. Lah udim makan siang Pak Beluk nginak kancenye Merin dan kekewannye main remi. Singkatnye, Pak Beluk riang nihan sambil dedepus ngudut, aik kupi segelas besak pule. 

Dalam ati Pak Beluk permaianan ini terkesan sombongnye. Ngape dide galak duduk di kursi, padahal lah disiapkan dengan jeme hajatani. Sombong benahg, mungkin jeme betanci de ndak duduk di kursi basing.

Singkat cerite, Pak Beluk duduk. Kadang tegak, niru ye maintu. Ai sakit kukut (kaki) akuni amen tegak. Belum lame duduk lagi, Pak Beluk ngape yang main ni ade enam. Due orang tegak saje de ndak duduk, bingung Pak Beluk mikirkannye.

“Merin begape lame maini, ngape kancemu de ndak duduk dikursi,” kate Pak Beluk.

“Ai cacam, orangni sengaje tegak, die lah biase tegak amen main, ape lagi disunturkan aik kupi angat,” timbal Merin.

“Yak aku kire nginak kursini de ndak duduk ni. Kursi banyak de ndak duduk, sombang ini,”uji Pak Beluk.

“Pacak pule kabah Pak Beluk ngicik sombong, kinai kudai kance aku maini, udim mandikan kambing. Sampai kambing lah tekering belum juge duduk,” timbal Merin.

“Mane lah paling tue due orangni, amen main ndak tegak saje pule,” uji Pak Beluk agi.

“Woi Pak Beluk, jadilah kudai ngoceni, mangkenye ujikan kudai maini. Bukan kanceni ndak tegak, ini hukuman main amen kalah. Ukan sombong raban tu ce, kalumu dapat jatah bogem ngan dang-dangni. Kinak kancing bajunye lah lepas gale, jerang agi celane lepas pule amen tegak lah nyeratus angke sepanjang aghi,” saran Merin. 

“Itu be, aku kire dide galak duduk dikursi, kalu ndik aku kah main. Aku ndak nyanyi saje, pacak ngawani kelawai dusun iluak tine banyakni,” uji Pak Beluk pakai logat campuran.