Ndik Besikat

ndik besikat pak beluk nga merin ni sedang asik ngobrol, tapi merin ni idang negal ngembau bau busuk. "ngembau dide kabah bau busuk pak beluk?" tanye merin. "ndik, bau busuk tape pule?" tanye balik pak beluk. "ndik, perasean ku saje kalu titu, anak kabah tape cerite," merin ngalihkah perhatian.  "alhamdulillah, sehat-sehat gale kami di ghumah," jawab pak beluk. tambah pak beluk ngicik, bau busuk ni tambah nyengat. karne penasaran, ditanyekah merin lah nga pak beluk ni. "mandi dide kabah tadi pak beluk?" tanye merin. "yakk mandi, ngape pule kabah nanyekah luk itu?" kate pak beluk. "tapi ngape kabah ni bau busuk," kate merin. "hehe... mandi tapi ndik besikat (gosok gigi)," jawab pak beluk sambil nyengir. "nduk pantas.... gulai sayuran kabah makan tadi?" tanye merin. "hahaha salah, aku tadi makan nasi goreng ndik bedie sayurnye, kebetulan kami gulai sayuran due aghi lalu," jawab pak beluk. merin nginak pak beluk sambil ngernyitkah kening. "dari habis makan sayuran tu kabah ndik gosok gigi?" tanye merin. "kalu ndik salah au, soalnye malas nian aku gosok gigi tu, ngapelah au," kate pak beluk. "wajar dari tadi bau busuk ndik habis-habis, mulut die ni bukan mulut jeme ternyate," kate merin dalam hati sambil nyengir nginak pak beluk.(fps)

Tag

Share

• 
• 
• 
• 
•