Jual Gale

PAK BELUK kini dang datang ke badah tetangge ye ndak berangkat haji. Tetangge ye kah berangkat ke tanah suci Mekkah ini, kebetulan mengatakan acara Walimatus Safar.

Selain mengadakan acara tahlilan dan menjamu adik sanak. Dalam acara ini juge diadakan ceramah agama dengan mengundang ustad terkenal ye kebetulan adalah gubernur di provinsi Pak Beluk tinggal.

"Jadi adik sanak. Amu lah siap niat berangkat haji tu jangan ditunda-tunda. Aku ye ustad ni sebenarnye iri nga tetangge aku di kampung halaman. Die tu lah nining nining. Kerjenye jual ghebung. Anye die pacak berangkat naik haji karena lah niat," papar ustad ye akrab disapa itu dalam ceramah.

Ternyate, ape ye disampaikan ustad ini membuat Pak Beluk penasaran. Setelah selesai acara ceramah dan menjamu adik sanak. Die betanye nga pak ustadz.

Kebetulan, ustad ye mantan gubernur itu kenal nga Pak Beluk. Sebab Bapang Yung Pantit ini merupakan salah satu tim suksesnye dulu.

"Izin ndak betanye pak mantan Gubernur," kate Pak Beluk.

"Cukup panggil name saje Bapang Yung. Dulu aku tu gubenur. Tape ye ndak kaba tanyekah tu," kate die.

"Guk nian cerite kamu tadi. Nining-nining ye jual ghebung di dusun kamu tu pacak berangkat haji," tanye Pak Beluk.

"Nah guk nian titu. Ini foto waktu die berangkat dan balik haji, ini ghumahnye ye ndik sebesak rumah kaba, ini foto die waktu aku balik dusun nga beli ghebung asam," kate die sambil nunjukah foto di HP.

"Aku sebenarnye heran dan penasaran. Lukmane pule angkan die cuma jual ghebung ini pacak ngumpulkah duit untuk naik haji. Sementare aku ye ngebun kopi ini dide terkumpul. Selalu terpakai duit ye untuk naik haji nga keperluan mendadak," jelas Pak Beluk.

"Berarti niat kaba kah naik haji tu Lum serius nian, Pak Beluk. Itulah duit dide terkumpul-kumpul," ujar utadz agi.

Die lalu melanjutkan, "Jadi luk ini Pak Beluk. Tetangge aku di dusun tu. angkah pacak naik haji die tu jual rebung sekaligus nga tanahnye," jelas die.

"Yak wajar die pacak naik haji pak Ustad. Amu jual rebung nga tanah kebun buluh tu. Dijual gale retinye titu," kate Pak Beluk.

"Hahaha. Ini membuktikan kalu die tu lah benar-benar niat untuk. Die rela jual satu-satunye tanah supaye pacak naik haji," kate utadz sambil lelinyumR.