Murak Pahit

PETANG kemaghi Yung Pantit maju ndak mbeli duku. Maklum di dusunnye sedang musimnye nian buah duku tu.

Karne maju nangis mintak beli duku tu, dibelikan nye lah ngan Pak Beluk ni.

"Nah makanilah Yung. Anye jangan neman nian kalu demam kele," kate Pak Beluk 

"Awu bak dide kah ndemamka duku ni," timbal Yung.

Anye lum lame tu Yung maju nangis agi. Pikir Pak Beluk lah abis duku tu tadi. Anye pas dikinakinye masih banyak.

"Adak ngape kaba nangis agi ni Yung. Itu duku gi banyak," tanye Pak Beluk.

"Anu bak. Muraknye tegigit," timbal Yung sambil maju nangis.

"Adak murak tape tegigit Yung. Memecam saje kaba ni," kate Pak Beluk tekejut.

"Murak duku tu bak. Payit tegalau, nggub agi aku," timbal Yung agi.

"Ui kireku tape die. Ude jangan agi makan duku. Banyak jeme teteguk muraknye gawih makani duku ni. Amun teteguk muraknye bahale," kate Pak Beluk ngiciki Yung.

"Yak ngape pule amun teteguk muraknye bak," Yung pemasaran.

"Pacak tumbuh di perut amun neguk murah duku tu Yung," kate Pak Beluk sambil pegi kerje agi.

"Nide pule bahale amun tumbuh di perut pacak dide ndak mbelei agi kite duku bak. Tinggal langsung panen," kate Yung polos.

"Oiii nak, memecam saje pikiran kaba ni Yung," kate Pak Beluk tetawe.