Draw Nian

draw nian pas libur petang kemaghi, pak beluk pegi mancing dengan kancenye ujang kericup. singkat cerite, pas sampai di lokasi, pak beluk ngan ujang langsung mulai mancing. ndik lame pancing diuntalkan ke aik, pancing pak beluk langsung dapat sambaran ikan. "ui ce, ui ce, uiii ujang..!!! tolong-tolong pancing aku ni ngene ikan besak ini. ndik ke urung agi," kate pak beluk tegauk-gauk manggil ujang. anye karne badah pak beluk ngam ujang ni agak bejauhan juge, jadi dide ndengar nian nampaknye ujang pas di panggil. "ngape kaba luk manggil aku tadi ce," uji ujang pas masighi guk pak beluk. "aku tadi dapat ikan besak nian ce. anye tape mun aku sughang narik nye. jadi luput agi ikannye dide tekecak ngan aku," pak beluk becerite sambil nggarut-ngarut palak. "udimlah kudai ce, awak ni lum mbulih. amun lah mbuhong ndulu mane ndak bulih awak ni kele," timbal unang dide percaye. "ai pajuh griti kaba ce. aku ni masih bene palak gawih ikan luput ni tadi. melah balik saje kite," pak beluk langsung ngangat. "balik lah kaba mun dide nian tahan agi," timbal ujang. "anu ce, rugi nian amun balik. kele entah di sambarnye agi ngan ikan tadi," kate pak beluk ngalah. "udimlah bapang yung, awak lah tue. anye nue adak. amun lum bulih, lum rezeki namenye. dide ndak ngangat nian," kate ujang ngiciki pak beluk. "ai adelah nian belage kite bedue ni kele. alang ke ikum aku nginak kaba tu," kate pak beluk sambil ngatangka batu besak udim tu diuntalka die guk pancing ujang. "ude melah balik. dide bedie duguknye di sini, kalau mbak ini draw nian hahaha," kate pak beluk sambil ngakak tetawe.     

Tag

Share

• 
• 
• 
• 
•