Alap Name

Reporter: Ujang Tamarozi |

Editor: Dedi Julizar |

Minggu , 21 Apr 2024 - 19:14

Pak Beluk--

alap name                            pak beluk dengan merin lum lame ini ditujuk jadi tetue ngantat nikah oleh tetanggenye.
kebetukan ngatar nikah di pulau jawe atau pulau semberang.
due sekawani ditujuk sebagai tetua oleh jeme ghumah atau tetange merin.
berangkatlah pak beluk dengan merin gantatkan anak tetangenye nikah.
lah sehari di dalam mobil, pek beluk lah pegal gale.
“masih lame kekire sampai,” pak beluk nanye merin.
“yak aman kate jeme ghumahni, masih lame sehari semalam agi,” jawab merin.
“yak alengke jauh tini,” jawab pak beluk.
“nak diapekan, dediamlah tingalkan jeme disini kemane balik, duit endik mbatak,” jawab merin.
singkat cerite, akhirenye sampai tujuan.
“pagi kite siap-siap ngatar nikah, kele kite cuma ikut petujuk tuan ghumah, untuk sambutan kele pak beluk,” kate merin.
“aman itu, masalah sambutan,” timbal pak beluk.
udim acara pernihakan, dilanjutkan makan.
pas nak makan, kate tuan rumah “rombongan dari sumatera silakan makan dahulu, dihidangan banyak model sayur, mulai dari nasi rawon, bakso, sate dan lainnya silakan dinikmati”.
“yak mantap nasi rawon ni,” dalam ati pak beluk.
“kabah nak makan ape bapang yung,” tanye merin.
“aku nak makan nasi rawon,” jawab pak beluk.
“aku juge, nampaknye agak aneh namenye pasti lemak,” dalam ati merin.
“ini pak nasi rawonya,” kate tukang hidang.
pas dihidangkan, merin dengan pak beluk saling kinak.
“yak aman ini nasi kecap,” dalam ati pak beluk.
karena lapar, merin masih makan, pak beluk nide temakan.
“alap namenye saje tini, aman tau tadi lemaklah makan sate,” dalam ati pak beluk.

Tag

Share

Koran Terkait

Kembali ke koran edisi Radar Kaur, Senin 22 April 2024

Berita Terkini

Berita Terpopuler

Berita Pilihan