Motor Baru

Jadi ceritenye dak nuju lebaran tahun 2024 ni tadi, cacaknye Pak Beluk ni beli motor baru. Tapi Pak Beluk ni tadi ndik tau bemotor.

Alasan Pak Beluk beli motor karne ndak bawe calon bibai jeme jauh. 

Lum lame datang lah Merin sambil beragam.

"Ay motor baru anye Mang," tanye Merin.

"Uss au bukan sombong," jawab Pak Beluk sambil ngijuk kah mate.

"Alangkah belagak aku ni kele Rin, motor baru ghumbak baru pule pai udim digunting," Pak Beluk cacak belagak.

"Tuape rencana kamu mang beli motor ni? Kemaghi ngeluh-ngeluh ndik beduit make senampur lah motor baru," tanye Merin agak curiga.

"Aku ni kemahgi ajungkan ibungan kamu beli motor, katenye ame ndak jalan-jalan ngah aku belilah kuday motor, jelah tini beli motor," jawab Pak Beluk.

"Jadi mamang beli motor ni untuk ibungan tu demi ndak jalan-jalan ngah die mang," Merin ngicik.

"Yak au Merin, demi ibungan kamu aku rela berkorban," Pak Beluk senyum-senyum bahagia.

"Ayy pintar nian kamu ni mang, galak pule budikan cewek Haha," kate Merin.

"Ape saje kah ku turutkah demi ibungan kabah Merin, asak die ribang ngah aku," jawab Pak Beluk.

"Au mang ame luk itu iluk-iluk saje kalu takutnye nyesal," jawab Merin agak kesiluan.