Telur Ceplok Wangi

telur ceplok wangi ceritenye ndung yung ni sedang nggoreng telur tuk makan yung. yung ye de puase karne yung belum sanggup ndak bepuase. kehembauan lah gorengan telur ndung yung ni nggah pak beluk.  "nduk kewangi tini aa, mbuat ape kabah tu ndung yung?" tanye pak beluk nggah ndung yung. "mbuatkah telur ceplok untuk yung, die ndak makan, siang tadi belum makan. makenye dibuatkan kini," jawab ndung yung. "kewangi nian titu aa, ndak pule aku," kate pak beluk. "kabah tu puase, sadar oy lah jam 15.15 wib tini," kate ndung yung ngingatkah jam. "begemuruh nian perutku cium telur ceplok tu, wangi nian titu, au buatkah pule aku ye samekan nian luk untuk yung tu,"kate pak beluk maju mintak buatkah telur ceplok. "kebange kabah ni aa, sayang dipecahkan lah sore tini bentar lagi magrib. awak belum pernah pecah puase, tibe-tibe ndak pecah karne cium telur ceplok," jawab ndung yung. "ndik ngape, sekali pule tini," jawab pak beluk selow. lum lame tu lah udim dibuatkah ndung yung telur ceplok due porsi untuk yung sutik dan untuk pak beluk sutik. makan lah same-same pak beluk nggah yung ni. "lemak dide?" tanye ndung yung. "ndik pule, udimlah ndik jadi aku makan telur ceplok ni ndik lemak kidahnye, jadilah baunye ndak kemati wanginye," kate pak beluk kesal. "nah kan agikan, kesal kan kabah puase ndik tamat telur ceplok ndik dimakan, jeme bange tu de nian mikir panjang," kate ndung yung marahi pak beluk. "belum kabah masak sayur lain?" tanye pak beluk. "baru ndak bemasak, pas saje kele masakan ku udim, adzan magrib bunyi, tahankan lah kabah lapar tu, ndik makan tapi ndik puase haha," ndung yung tetawe kecik. "nduk kejahat kabah, cepat dikit masak tu aa mangke aku ndak makan, lapar nian tini, gegare telur ceplok semerbak jadi pecah puase ku," kate pak beluk kesal.

Tag

Share

• 
• 
• 
• 
•