Belajar Masak

belajar masak ceritenye pak beluk ni mintak ajari masak ngah ndung yung, karena ndung yung ni ndak pegi seminggu ke luar kota karne ade keperluan. "malah kabah ajari aku bemasak. mangke aku pacak masak sughang kalu kabah pegi ni," kate pak beluk. "au malah kite ke dapur," ajak ndung yung. diawali ngah ndung yung ni, lah nyiapkah racikan untuk dimasak. udim tu mulai mempraktikkan ngah pak beluk. "kabah siapkah penggorengan di pucuk kompor titu," kate ndung yung. "au udim, habis tu ape agi," tanye pak beluk. "tuang minyak goreng ke penggorengan tige sendok makan saje, udim tu hidupkah kompor, tunggu minyaknye sampai panas," kate ndung yung. lum lame tu minyak nye ni lah panas. "lah panas tini," kate pak beluk. "masukkan segale racikannye tadi, sampai keluar hembau harum," jawab ndung yung. "au lah harum tini," kate pak beluk. "udim tu kabah masukkah pelan-pelan santan ni sampai mendidih," kate ndung yung. "au ini lah mendidih," jawab pak beluk. "oke... njuk salam due," kate ndung yung. dengan polosnye pak beluk ni njawab. "assalamualaikum.... assalamualaikum,"kate pak beluk. "ndukkk kabah," ndung yung tecengang nginak pak beluk.(fps)

Tag

Share

• 
• 
• 
• 
•