Nyegut Tue

Jadi ceritenye Pak Beluk dengan Ndung Yung ni berencana liburan lebaran ndak jalan-jalan. Lah payah nunggu aghi lebaran.

Baju lebaran lah udim beli, kue lah udim buat. Tinggal nunggu aghi jalan-jalan agi pokoknye.

Ndung Yung ni berencana ndak ke Pagaralam. Sedangkan Pak Beluk ni ngajak ngidari pantai yang ade di dusun nilah.

Ndung Yung ni dik terime masukan Pak Beluk. Karne dik masuk dengan usulan. Jelah agak nyegut Ndung Yung ni tadi alias ndak dibujuk.

Singkat cerite, singgenye Ndung Yung ni lah dik agi sepaham karne kendaknye dik disetujui. Lah payah dibujuk, lah digombali pule dik juge mempan.

"Malah Ndung Yung, ndak ke mane nian lebaran ni kele. Kele diturutkah gale demi bibay tercinta," Pak Beluk ngicik.

"Ndak ke Madinah sane jadi gale demi jalan-jalan dengan bibay ku," lanjut Pak Beluk, bujuk Ndung Yung.

Singkat cerite agi, rupenye lah puasan dibujuk. Lah riang juge ati Ndung Yung ni, mulai ngicik.

"Serahlah aku ngikut saje," jawab Ndung Yung, masih agak maluan.

"Ujilah ndak ke mane jangan ngikut-ngikut saje, kele ndik sekenean agi," Pak Beluk ngicik.

"Ndak ke Pagaralam," jawab Ndung Yung dengan nada senang dikit.

"Nah kan lemak ame luk itu, ndak dibujuk nian pai ngicik haha," uji Pak Beluk.