Kejang-kejang

Ceritenye Pak Beluk dengan Merin ini sunggah beradu makan. Seingat Pak Beluk duitnye masih ade 300 ribu agi dalam tasnye. Begasiplah tian due ini makan, radu makan. Pak Beluk ini endai bayar, pas bukak tas tanci 300 ribu dalam tasnye tadi de adenye agi. Di cek di dalam paket seluar juge de adenye agi. Luk itu pule Merin de bawe tanci.

Karena bingung care bayar makan ini tadi, Pak Beluk tepikir buat ide icak-icak kejang-kejang, sementara Merin ini icak-icak panik. Dengan luk itu, otomatis penjage warungnye panik juge. 

Modusnye diawali Pak Beluk mulai diam duduk di kursi terus nitik ke lantai kejang-kejang. Sementara Merin cak-icak panik sesuai dengan skenario tian.

"Ceee..ceee. tolonggggg, pakk tolong kudai," kate Merin mekik.

"Ngp itu, bawe rumah sakit," kate penjual sambil panik.

"Pak tolong angkat kudai pak ke motor, ceee ceee ngpe kaba ini," kate Merin.

"Di mane arah rumah sakit ini pak, makan kami tadi lum mane pak," sambung Merin dengan muke panik.

'"de jauh endai sini luruslah terus, kelak pule makan tu," kate penjualnye

"Yes berhasil," kate dalam hati Merin 

Karena Pak Beluk ini tadi masih kekelejak  kejang-kejang dipucuk motor. Otomatis Merin bawe motor de stabilkan. Sekitar 50 meter endai lokasi rumah makan motor yang dibawe Merin ini tebanting. Pak Beluk yang cak-icak kejang-kejang tadi, rupenye kejang-kejang nihan karena benturan.*