Mbasuh Motor

Petang kemaghi Pak Beluk diajung bininye ndung Yung mbasuh (cuci, red) motor. Sebab, lah lame nian motor Ndung Yung ni dide di basuh.

Pas sampai di badah nyuci motor tu, Pak Beluk langsung tecengang. Sebab, di tulisan bada mbasuh motor tu bertulisan Cuci Motor 24 Jam Dijamin Bersih. Nginak tulisan tu, Pak Beluk langsung balik.

Sampai ke rumah, langsung bingung Ndung Yung ngan lakinye. Sebab, cepat nian nyuci motor tu.

"Yak alangke cepat kamu mbasuh motor ni tadi Bapang Yung," tanye Ndung Yung.

"Tape dide nian langsung mbigalka titu. Pacak aku saje mbasuhnye," timbal Pak Beluk.

"Yak mangke tape die parapan kamu sangkan dide langsung mbasuh motor tu tadi," Ndung Yung marah.

"Sape pule ke galak bai. Kengengape mbasuh motor sampai 24 jam. Biasenye kapuh setengah jam paling lame," Pak Beluk njelaska.

"Jak mane kamu keruan base mbasuh motor di situ 24 jam mangku udim," tanye Ndung Yung.

"Disitu tadi ade tulisan Cuci Motor 24 Jam Dijamin Bersih. Itu lah sangkan aku langsung balik," jawab Pak Beluk agi.

"Ai bengak, buyan, bigal aii. Ke ngape nian kamu ni Bapang Yung. Maksud tulisan tu bukan mbasuh motor sampai 24 jam. Anye badah mbasuh motor tu buka sampai 24 jam," kate Ndung Yung.

"Ui luk itu maksudnye tu. Amun keruan luk itu lah ku basuh nian tadi," uji Pak Beluk sambil ngangguk-ngangguk.

"Basuh lah sughang motor tu, kate kamu tadi pacak kamu tulah ye mbasuhnye," kate Ndung Yung marah nian. *