Ndalak Selamat

ndalak selamat pak beluk sedang ngamuk nian, sedang marah besak kenan dengan yung pantit juge ndungnye. sebab lah berape kali disampaikah, supaye ape ye diamantakh jangan sampai dilupekah. anye tiap negal ape ye diingatkah selalu dilanggar due beranak ini. lah bingung kenan, sebab ape lagi ye harus disampaikah. dengan care halus udim, dikasari udim, jadi lukmane nian kendak due beranak ini. “lah aku sampaikah, kalau petang aku ini pasti kah makan. mase jam ini dide bedie nasi dengan gulai,” kicik pak beluk ringam. baca juga:sambut bulan ramadan, intip kegiatan di disnakertrans provinsi bengkulu nganing lakinya sedang mencak -  mencak ndung yung mendam saje, sebab die merase besalah nian. sedang hening tu, tetibe yung ngicik  “aku juge lapar bapang, anye dide bedie nasi gulai. jadi aku tepakse beli mie rebus tadi, ukan aku dide galak mbagi bapang. mie ribus aku tadi hanye sebungkus, lah aku sampaikah dengan ndung. tapi ndung mendam saje”. nganing kicik anaknye pak beluk makin rengam nian “ oii kabah, awak lah tue dide nue. tahu diri dikit, beghusik ke badah kantin tu bulih saje. tapi tahu diri dan tahu kewajibab di ghumah, ukan asal galak mbibar saje”. baca juga:ramadan waspada kejahatan, ini pesan kapolres kaur tambah pak beluk “ kalau mbak ini care kabah, mendingan kite bebukaan kudai. tiap bulan duit akunjuhkah habis ke mane nian, ukan kabah habis hanya beli paket internet saje. semingge uyunan ghumah dide keruan acung agi ini”. “dide habis oleh beli paket bapang yung, duit itu aku belikah beghas dan keperluan lain di ghumah ini. ukan aku hambur – hamburkah, aku impani iluk – iluk nian, aku tahu dengah sare ndalak duit itu,” jawab ndung yung sambilk berupaye mbujuk lakinye. baca juga:percepat pembangunan di desa, simak program pemprov bengkulu anye karena lah telanjur esmosi, pak beluk masih saje ngamuk “kalau mbak itu kabah harus tahu diri, mane kewajiban bini di ghumah. jangan asal galak nian, kalau dide anjam nian agi dide ngape kisit. biarlah kami due beranak di ghumah saje, urusan makan jangan kabah pikirkah, pacak kami beakal. ketimbang ade jeme di ghumah tukang urus ghumah tangge tapi dide mbedal, mendingan kami saje”. baca juga:6 keutamaan jika orang berperilaku jujur dalam islam, ini berkah yang didapatkan “sepakat aku bapang, kalau kite bedue bapang aku setuji ndalak kantin baru. tante ye di ujung itu lah pernah nitip salam dengan aku untuk bapang, anye aku dide berani nyampaikannye,” kate yung lelinyum. nganing kicik yung pak beluk agak dedagup jantungnye, sebab bakal ribut besar dengan topik beda. dalam hati pak beluk “ini bakal balak besak, beda materi agi kele.  mendingan dia ndalak selamat kudai, kalau lame di sini bakal kalah meteri kele”.

Tag

Share

• 
• 
• 
• 
•