Takut Ndik Jadi

Lum lame ni Ndung Yung pegi ke dokter. Sebab, lah berape aghi ni Ndung Yung maju merase ndik lemak badan.

Anye sampai di badah dokter tu, Ndung Yung langsung tekejut. Sebab, kate dokter kenan lah telat sebulan.

"Selamat buk anda sudah terlambat satu bulan tetapi jangan diberitahu yang lain dulu takut tidak jadi,’’ uji Dokter.

Ndengar kate dokter tu, Ndung Yung langsung gesit balik ke rumah ndak becerite dengan lakinye. Bahwe die lah hamil anye endik bulih dikicikan dengan jeme lain, karane takut ndik jadi.

Pas paginye datanglah petugas PLN nagih tunggakan listrik. Karena, kebetulan Pak Beluk nih nunggak alias terlambat sebulan mbayar listrik.

‘’Selamat pagi buk. Maaf buk, ibuk terlambat satu bulan saat ini,’’ kate petugas PLN.

‘’Yak keruan njak mane bapak amun aku sudah terlambat satu bulan,’’ kate Ndung Yung langsung marah.

‘’Ini ada catatan kami,’’ uji petugas PLN agi.

Ndengar itu, pas Pak Beluk balik, langsung semamamlah Ndung Yung dengan lakinye.

Ndik terime lah banyak jeme keruan base bininye hamil, dan kenan takut endik jadi. Paginye Pak Beluk langsung ndatangi kantor PLN.

‘’Luk ape kamu sampai tahu gale bini aku telambat satu bulan,’’ tanye Pak Beluk sambil marah ngan petugas di kantor PLN.

‘’Inikan ade catatan die. Lampu listrik di rumah bapak tu lah terlambat sebulan mbayarnye," jelas petugas PLN.

‘’O.. Lampu bukan kehamilan endung Yung,’’ pikir Pak Beluk sambil pamit balik.*