Keras Jerang

PAS libur sekul Minggu kemaghi, Yung Pantit anak Pak Beluk mancing ngan kancenye Bedul di aik belakang ghumahnye.

Singkat cerite, pas la sampai di badah mancing kebetulan ade budak gadis ye sedang mandi di sungai tu.

Jadi, due sekawan ni langsung ngimbangkah jeme tu njak pinggir aik. Laju urung mancing gawih due sekawan itu.

Ndik lame tu, Yung Pantit langsung nempucit belari njak di situ dan langsung balik ke rumah. Karne tekejut, Bedul pun ngikut belari puntang panting pule njak situ.

"Aduhh, ayaii. Adak ke ngape kaba belari tadi Yung," tanye Bedul sambil dedasuh kekerihan udim belari.

"Anu aku tadi langsung teringat pesan Ndung aku dul," timbal Yung jujur.

"Awu, sangkeku tadi ade tape die. Itulah aku mikut belari pule. Mangke tape pule pesan ndung kaba tu," Bedul penasaran.

"Kate Ndung aku kalu kite nginak betine ndik bebaju badan kite langsung njadi batu," Yung njelaskan ngan kancenye.

"Yak adak bahale titu Yung," Bedul takut ngan cerite Yung.

"Itulah. Waktu kite ngimbang tadi, aku lah merasekan ade di bagian badan aku ni ye mulai ngeras luk batu. Makenye aku langsung nempucit belari," uji Yung agi.

"Ui awu. Untung nian amun luk itu Yung. Adaknye njadi batu nian kamu bedue tadi. Paling nide keras jerang luk batu," sintung Pak Beluk ye njak tadi ndengari kicikkan anaknye tu. (roh)