Bayar niat
Pak Beluk--
Pak Beluk pernah beniat endak motong, kalu jeme maling buah sawitnye dapat. Singkat cerite, dua bulan radu beniat. Maling buah sawit Pak Beluk dapat, dikekate ulih Merin. Rupenye Pak Beluk ini kelupean base pernah beniat.
Waktu teringat pernah beniat, Pak Beluk de nihan tekecak tanci. Akhirnya berinisiatif maling hayam Merin.
"Ai hayam Merin inilah bani lantak, ngerti pule batu yang kuase. De nihan ade lukak pembelanjean, lukak gadaian de pule ade," kate Pak Beluk sambil ngintis maling hayam Merin.
Pas hayam teterekul, ayam bebunyi.
"Kreukkk,"
"Uiii sape itu, uii ngape ngambik ayam ku itu?" kate Merin.
"Uui aku ce Pak Beluk. Maaf nian ce, aku tepakse, karena endak bayar niat, endak beli de ade lukak tanci," kate Pak Beluk sambil teperegus.
"Iyaaak, bayar niat maling hayam," jawab Merin.
- Tag
- Share
-
-
