Salah Peghasean

PAK BELUK kini dide banyak kulahan, sebab kekantinnye sepi ke ghumahnye. Raban tu dide anjam aghi beghusik ke Pak Beluk, sebab Pak Beluk ketike didatangi cak adak saje. Jangankah ngejuk minum aik kupi, aik putih saje dide tekeluagh. Nginak kekantin dide datang agi Pak Beluk kesepian. Kenan agak purik juge, sebab dide ade kantin ngobrol. Kalau ngobrol dengan ndung Yung dide masuk, kalau lah agak lame bakal bebalah tulah.

“Ngapelah kekantin ni dide agi beghusik ke ghumah aku ini, ade ye salah ape,” kicik Pak Beluk dalam ati.

Karene penasaran, Pak Beluk ngehubungi Merin dengan gunekan telpon video nian. Anye lame bvenagh Merin ngangkat telponnye, waktu ngangkat telpon Pak Beluk langsung ngicik “Cacam lame nian kabah ce ngangkat telpon aku. Ade ape die kabah sege dihubungi ni”.

Timbal Merin “Aku sedang makan tadi kawan, ade ape kabah nelpon ni. Nampaknye ade masalah serius nian ini”.

“Aku ni bingung ce, ngape kamu banyak ni dide galak beghusik dengan aku agi. Ade ape ce, peghasean aku lah baik nian aku tiap kekantin datang,” kate Pak Beluk penasaran.

Sambil lelinyum Merin ngicik “Kabahkan jemenye irit, jadi supaye kabah dide rugi kami dide beghusik ke ghumah mu. Kalau urusan baik, kabah baik dide ade salahnye”.

Sahut Pak Beluk “Jadi ape die urusan irit tu ce, jadi binigung aku. Perasean aku dide ade masalah dengan kekamu banyak tu”.

“Urusan baik dide ade salah, anye urusan irit tepelalu itu jadi masalah die ce. Kabah tu galak salah p[eghasean tulah, semingge kantin jadi salah peghasean. Udim aku kah beghusik ke ghumah Ujang, kami ade janji bakar – bakar ikan,” kate Merin sambil nutup telpon.*