Bigal Gale
Pak Beluk--
Lah berape malam ni Pak Beluk dide pacak tiduk. Anye kenan dide pule keruan ape penyebabnye. Karne lah pening dide pacak tiduk ni, Pak Beluk ngajung anaknye Yung Pantit beli obat tiduk ke apotik.
"Yung belikan kudai bapang obat tiduk di apotik," kate Pak Beluk.
"Awu bak," timbal Yung sambil pegi ke apotik.
Lah ndak sejam Pak Beluk nunggu anye Yung lum kilah balik. Karne Yung Pantit pegi ke apotik ni tadi tadi lah lame dan lum balik-balik. Disusulnyelah dengan Pak Beluk anaknye tu.
"Alangke lame pule kaba mbeli obat ni Yung," kate Pak Beluk.
"Yak kate jeme apotik tadi obat ni obat tiduk. Jadi dide berani aku ndak mbawenye. Kele bangun pule obat ni," timbal Yung Polos.
"Yak bigal kaba ni Yung. Setahun kaba tunggui obat ni dide kilah ke bangun Yung," uji Pak Beluk ringam.
"Anu bak, amun kate nining kite, amun kite bigal bearti bigal njak keturunan," Yung masih nimbal.
"Adak nian pule, bigal gale nian kami ini," pikir Pak Beluk dalam ati. *
- Tag
- Share
-
-
