Tebudi Kaudrat
Pak Beluk--
Belum lame ini, Ujang Kricup dengan Merin dibudikah Pak Beluk. Pak Beluk bejanji bakal ngeju duit, anye ade syaratnye. Ujang Kricup dengan Merin harus dapatkah nomor gadis.
"Kalu kamu pacak dapatkan nomor cewek itu, kabah aku njuk tanci Rp 50 ribu," kate Pak Beluk.
"Jangan memain bapang Yung, kele dide nepati janji kabah," jawab Ujang Kricup dengan Merin.
Singkat ceritenye, akhirnye dapatlah nomor gadis yang ditunjuk Pak Beluk ulih Merin dengan Ujang Kricup.
"Ini nomor telpon cewek itu, kini mane tancinye," kate Ujang Kricup.
"Mesanlah kudai kopi, mane nomornye," jawab Pak Beluk.
Singkat ceritenye lah dicatat nomornye, kopilah dipesan. Pak Beluk langsung pamit ke wc negal, sampai de agi balik agi. Kopi lum dibayar tanci ni lum kene enjuk.
"Mane die Pak Beluk ini," kate Merin
"Entah kalu balik raseku," jawab Ujang Kricup.
"Cacam," jawab Merin.
Singkat ceritenye di chatilah ulih Ujang Kricup.
"Dimane kamu ni, kopi lum bayar kami de ngecak tanci," pesan Merin.
"Aku lah di ghumah kawan," balas Pak Beluk.
"Aiii, due kali tebudi kami ini. Tebudi kaudrat kami ini oleh kabah, " jawab Merin.*
- Tag
- Share
-
-
