Minta Gadaian

PAK BELUK ini bayak tingkat sepajang aghi, die dide keruan bahwe tingkah die ini lah dikeruani kekantin. Mbulai gala mbudikah, ngutang dide galak bayar dan tingkah karut ye lainnya. Anye karena dide madak, make raban tu masih ngantinnye, walau sekedarnye saje.

Antakah reraye  ini nampaknye Pak Beluk mulai pusing. Sebab kerje dide, gaji jadi perangkat desa belum tughun juge. Sementare kebutuhan reraye bakal ningkat, kah minjam dengan kekantin atau toko die dide PD agi. Lah yakin dide bakal dapat nian, die sadar kerjenye karut nian dalam begaul. Anye die masih PD saje, cak bange dan dide beduse. Dalam puriknye kenan mulai dapat ide, bakal ke ghumah Merin ndalak solusi, syukur dapat pinjaman.

Sampai ghumah Merin Pak Beluk neman bebase “Apa kabar kini kawan, tuape lukak kite antak lebaran ini. Kalau ade lukak bagi kudai, penting aku ini”.

Sambil santai Merin njawan “Semegi saje ce, aku sakat kerje upahan ini. Tapi untung ade lukak antakah reraye ini, sehingge jeme ghumah pacak mbuat juadah dedikit”.

“Yak cacam kabah ce, kalau mbak itu ajak aku kerje tu. Sebelum aku kerje tulung pinjaman kudai, supaye urusan aku lancar gale ce,” jijih Pak Beluk lancar nian cak aik rawang.

“Jadi, anye ade jaminan ce. Misalnye motor, kulkas atau mesin cuci kabah. Aku akali ndalakah pinjaman, aku demi kantin,” jijih Merin.

 “Aiii cacam, minta gadaian kabah tu dengan aku,” jawab Pak Beluk tekejut.

Timbal Merin “Kekire mbak itulah, ndai pade aku kene lebih baik teliti”.*