Nipukan Tuhan

Agi jam 10 hayu, Pak Beluk lah kehangatan. Tapi Pak Beluk engguk batalkan puase,  jadi idenye ini cak icak kelupean puase. 

Singkat ceritenye, Pak Beluk lari ke dapur langsung minum, minum modusnye cak icak kelupean base bulan puase. 

Gak gak gak, suare air minum masuk ke tenggorokannye.

Lah radu teminum, kerengkungan lah basah. Pak Beluk icak-icak tekanjat base bulan puase.

"Astaghfirullah, puase bie hari ni," kate Pak Beluk nipukan Tuhan.

Lemak de nampak modusnye kalu memang  mecahkan puase. Pak Beluk midur ke rumah Merin. Ngicik basenye ni tadi teminum air putih, kelupean base puase.

"Ai, aku ni tadi kelupean base hari ini puase. Sangking hangatnye, tenggorokan lah perih belari ke dapur aku minum kidahnye puase hari ini," kate Pak Beluk.

"Ai lemak kamu, aku ni de pernah ade kelupean hari puase. Pasti selalu teringat base puase," kate Merin.

"Jadi masih de katu puase ku itu," tanye Pak Beluk.

"Tergantung di niat, ame niat tadi endak minum nihan, pecah batu puase tu. Kalu niat tadi kelupean, berarti aman puase tu, jadi mu tu tadi niat awalnye ape," jawab Merin

"Kehausan karena hangat," balas Pak Beluk.

"Jadi batal batu karena niat tu endak minum capakan hausan," balas Merin.

"Jadi de agi sah puase tu," tanye Pak Beluk.

"De agi, karena lah nipukan tuhan," balas Merin.*