Nakal Tue

UDIM mandi petang kemaghi, Pak Beluk ngan anak bininye duduk di berende depan rumah. Sambil asyik ngobrol, Pak Beluk mintak cabuti uban dengan anaknye Yung Pantit.

"Yung, cube kaba jabuti kudai uban Bapang ni," Pak Beluk ngajung anaknye anaknye.

"Aii, Bapang ni banyak nian pintakaan. Sini namenye bak," timbal Yung ye agak malas.

"Ui bak, ngape pule gumbak kamu ni banyak nian ubannye," Yung betanye 

"Nah itu gegara kaba gale Yung," timbal Pak Beluk.

"Adak ngape pule gegara aku bak," Yung bingung.

"Karne, sekali kaba nakal, mangke gumbak Bapang kaba  ni langsung putih sikuk. Nah, saking nakalnye kaba jadi banyak uban aku," Pak Beluk njelaska panjang libagh.

"Ui luk itu bak. Maaf nian amun luk itu ceritenye bak," kate Yung jujur.

"Anye empai keruan pule ngan aku bak," kate Yung.

"Keruan tape kaba Yung," tanye Pak Beluk.

"Keruan baseka gumbak datuk lah putih gale tu gegara kamu nakal tula awu bak. Nakal nian bearti kamu tu dulu. Sebab, gumbak datuk kini lah putih gale," Yung njelaska dengan serius.

"Awu nian itu. Sampai mbak ini bapang kamu tu masih nakal tula. Anye bedahnye nakal tue amun mbak ini," sintung ndung Yung ye ndengar kicikan laki ngan anaknye. 

Nganing kicik anak dengan bininye, Pak Beluk milih mendam. Sebab kalau njawab, bakal perang besak pertang ini. (roh)